MANARA: NIPO TAYARI KUFUNGWA KWA KUDANGANYA KUHUSU SIMBA...AITA POLISI


Msemaji wa Young Africans Haji Sunday Manara amesema alikua akifanya kazi ya kuwadanganya Mashabiki na Wanachama wa Simba SC kwa kuwaambia klabu yao ni kubwa katika ukanda wa Afrika Mashariki na Kati kwa kuwa na mataji mengi kuliko klabu nyingine yoyote kwenye ukanda huo.

Manara amelisema suala hilo alipohojiwa kwenye kipindi cha Sports HQ kupitia Radio EFM, kufuatia kauli tata ambazo zimegongana wakati huu akiwa Young Africans, na wakati ule akiwa kwa Mabingwa wa Soka Tanzania Bara Simba SC, kuhusu mataji ya michuano katika ukanda wa Afrika Mashariki na kati.

Manara amesema kazi kubwa aliyokua anaifanya Simba SC ni kubuni mbinu za kudanganya na ameutaka umma wa wadau wa soka nchini kutambua alikua hafanyi jambo jema kwa kubuni uongo, ambao alikua anawaaminisha Mashabiki na Wanachama wa klabu hiyo ya Msimbazi.

“Moja ya kazi kubwa niliyoifanya labda ni kuonesha ukubwa feki hiyo dhambi niliitenda vibaya sana, Jamhuri ya Muungano wa Tanzania nipo inihukumu kwa kifungio cha gerezani kwa kufanya ulaghai wa kufix ukubwa ambao hata haupo.”

Baada ya kusema hivyo Haji akaongeza kuwa, kwa sasa amekua mkweli na ndio maana ameitaja Young Africans kama klabu inayoongoza kwa kutwaa mataji mengi Zaidi katika ukanda wa Afrika Mashariki na Kati, vinginevyo ni uwongo ambao hapo nyuma alishiriki kuupika.

Haji Manara aliibua malumbano mitandaoni jana Jumatano (Septemba 08) baada ya kuitaja Young Africans kama klabu iliyotwaa mataji mengi katika ukanda wa Afrika Mashariki na kati, huku wengine wakikumbushia aliwahi kusema maneno kama hayo alipokua Simba SC.

Post a Comment

3 Comments

  1. Huyo manara mbona tuna jua kua chzi tuu Anaipenda smba yanga kikaz tu

    ReplyDelete
  2. Kweli kabis anaipenda Simba yanga ni kikazi tu ata hao viongozo wa yanga
    Wamesahau yote ya nyuma poleni sana

    ReplyDelete
  3. Usidharau Cha nyuma hata Kama kidogo au nilikuwa na madudu kwani ndo jilichokujenga ukaonekana alafu tuwe na kifua jamani hata ulio nao as Wana mapungufu yao itafka wakt itabidi utuaminishe ili Mambo yaende sawa (kwani unawahi sikia stori ya mama aliyechemsha mawe zidi wanawe wakt njaa) advice achana Mambo ya Simba Ila tengeneza mapya ya yanga,mm mmoja w shabiki was Zamani ulipokuwa makll ac'ding 2u

    ReplyDelete